Онцлох ажлаас дурдвал: Сумын төвлөрсөн халаалт дулаан, цэвэр,бохир усны шугам сүлжээ, тэдгээрийн барилга байгууламжийг шинээр байгуулах ажлыг хувийн хэвшлийн хөрөнгө оруулалтаар хийлгэхээр шийдвэрлэж "Сэтгэшгүй нэмэх" ХХК-тай 20 жилийн хугацаатай хамтран ажиллах концессын гэрээ байгуулж, ажлыг эхлүүлээд байна. Нийт шаардагдах хөрөнгө -2,5 тэрбум төгрөг бөгөөд үүнээс 2023 оны 9 дүгээр сарын байдлаар 786,4 сая төгрөгийн хөрөнгө оруулалт хийгдэж, зуухны барилгын ажил 70% гүйцэтгэлтэй явагдаж байна. Дулааны шугамын суваг 2023 онд 1062 м шинээр хийгдэхээс 412м хийгдэж, 32% гүйцэтгэлтэй. Хучилтын хавтан 562 хийгдэхээс 489 ширхэг хийгдээд байна. 2023 оны 11 дүгээр сард халаалтаа өгч эхлэхээр төлөвлөн ажиллаж байна.  Мөн тус хурлын ажлын алба нь сумын ИТХ-ын төлөөлөгчдийг чадавхжуулах сургалтыг шат дараатай зохион байгуулж ажилласан, Аймгийн ИТХ-ын 02 тоот тогтоолын хүрээнд Түвшинширээ суманд “Миний хүүхэд-Монголын ирээдүй аяныг зохион байгуулж Монгол Улсын Ерөнхий сайдын дэргэдэх үндэсний хүүхдийн зөвлөлийн гишүүн Хүүхдийн хүчирхийллийн эсрэг “Үжин” төвийн дарга Д.Ундрааг урьж сургалт мэдээлэл болон нөлөөллийн ажлуудыг хийж ажилласан байна.